寶寶要追住餵食飯？ 9個方法令孩子乖乖坐好食飯

小朋友食飯坐唔定又食得耐？相信對很多家長而言，小朋友食飯是一個頭痛的問題。食飯時無辦法好認真食，每次餵食飯，總係食得好慢，或者食幾啖就唔食。有時更要追著小朋友來餵飯。如果佢唔食，長輩就會擔心孩子吃不飽、營養不足。於是唯有出動玩具、手機去吸引他們注意力，一邊在旁餵飯，令他們坐定定。開頭有用, 但情況會越來越差. 而且越食越內，養成壞的食飯習慣，吃飯會變成係佢最痛苦的事，到底要點樣先可以令小朋友好好食飯？請參考以下解決方法：

1戒晒所有飯前零食

飯前不能進食其他食物。長輩對孩子大多會寵愛有加，小孩想食零食，都會照比他們。大人要做法一致，預先協定飯前不能進食。如果仍是是幼兒, 可減少奶量, 孩子可能因為飲奶飽而減少進食正餐嘅欲望。

2大人和孩子儘量同桌

有些長輩擔心小朋友食不好, 會先讓小朋友先食。但獨個兒食飯是寂寞的，在寂寞的環境下怎會有好食慾？當孩子一至兩歲時，可讓孩子與大人同枱開餐。讓孩子知道，吃飯是全家人的活動。孩子都愛模仿大人，請孩子同大人一齊進餐，會挑起孩子模仿大人食嘢的舉動，更願意自己拎起匙羹食飯，亦有助於孩子學習進食方法。

3要相信孩子擁有自己餵自己的能力

在孩子2歲，甚至更早在1歲半時，要堅定相信孩子自己可以自行食飯，不用再餵。孩子是跟大人一起吃飯，不是大人陪孩子吃飯。父母責任是提供營養均衡的食物給孩子，同時大人給予適當的幫忙與空間，孩子就會願意好好吃飯，全部大人都很輕鬆，再也不用對小孩苦苦相逼。

4營造專心進餐環境中

孩子很容易被身邊的事物誘惑，所以邊食飯邊玩玩具係大忌！家長應該在飯前10分鐘同孩子一起收拾玩具、關上電視、洗手等⋯⋯ 營造一個可以令孩子專心食飯的環境。有時孩子不明白什麼叫專心，就教孩子食飯時唔好講野，要專心睇住碗裡面的飯，睇住手上的筷子或湯匙送入嘴巴裡，慢慢佢就識自己好好地食飯！

5及時稱讚孩子

孩子都渴望得到大人嘅注意，所以大人應在孩子表現合作、乖乖食飯時或者願意嘗試新食物，對佢微笑，具體地稱讚小朋友的行為，例如「你願意嘗試新食物, 做得好好呀」千萬不要在孩子鬧彆扭時馬上注意佢，什至故意忽略他。讓他明白坐定定食飯才能夠得到大人的注意同讚賞。

6設定進食時間

告訴孩子食飯時間, 可讓孩子可以理解時間還剩多少。這個餐桌上的「家庭活動」持續40～45分鐘後，當大人都吃完了，就要開始把全部的碗筷都收一收了。而大人亦盡量避免進食速度過快，要營造一個與小朋友共同進退的氣氛。

7讓食物成為享受，創造一個快樂的家庭用餐文化

大人的目光在飯菜與彼此，不要全部大人盯著孩子看。盡量避免說一些責備性的說話，如剛開始，孩子食到周圍都係，弄到好髒，也不要對孩子指指點點、催促、批評，不要讓食飯變成一種壓力。快樂的餐桌文化，就是每天一餐一餐形成的。

8讓孩子學習「後果自負」

當孩子發脾氣拒絕進食，大人要問清楚孩子是否吃飽，是否繼續進食？假如孩子扭計答已吃飽，大人便要說明「收起了食物，小朋友便不會再有東西吃，亦不會再提供任何食物直至下一餐（一日三餐）。」有些父母覺得孩子食得少，就會畀孩子食餅乾或飲奶，咁做只會令孩子覺得只要唔吃飯，等陣就可以食餅乾同飲奶，令孩子更加唔會乖乖食飯。父母最重要是狠心，令子女要承擔適切的後果。

9理解孩子食飽嘅訊息

1歲孩子每餐進食分量唔多，一般在10到20分鐘內就會食飽，所以建議每餐食30分鐘就好。當孩子唔再專心吃飯或玩食物，就表示已經吃飽。大人可以教他表達「食飽」的訊息，之後請佢離開飯枱。有些長輩會追著孩子餵食，咁做唔單止會延長用餐時間，亦無助於令孩子食多啲。大人把孩子的餐食收走時，不要數落或批評！我們大人也不是機器人，有時候沒有胃口就是沒有胃口，不用強迫孩子。